U Brytanii pryhrazili Rasii sankcyjami, kali ŭ atručvańni eks-špijona znojduć rasijski śled
Kiraŭnik MZS Vialikabrytanii Barys Džonsan papiaredziŭ Rasiju ab mahčymych sankcyjach, kali budzie dakazana, što za tajamničaj chvarobaj byłoha rasijskaha špijona Siarhieja Skrypala staić Maskva, paviedamlaje Sky News.
Džonsan adznačyŭ, što na dadzienym etapie nie chacieŭ by «ni na kaho pakazvać palcam», adnak dadaŭ, što datyčnyja nie zmohuć uchilicca ad adkaznaści.
«Ja kažu ŭradam pa ŭsim śviecie, što nivodnaja sproba zabrać niavinnaje žyćcio na terytoryi Vialikabrytanii nie paźbiehnie sankcyj i nie zastaniecca niepakaranaj», — zajaviŭ ministr.
Pa słovach Džonsana, Brytanii «mahčyma, znoŭ daviadziecca pierahledzieć sankcyjnych režym u dačynieńni da Rasiei».
Były rasijski špijon Siarhiej Skrypal znachodzicca ŭ krytyčnym stanie vierahodnaha atručvańnia nieviadomym rečyvam ŭ Vialikabrytanii, dzie jon pražyvaŭ u apošnija hady.
U Kramli zajavili, što nie majuć nijakaj infarmacyi nakont taho, čym zajmaŭsia były rasijski špijon Siarhiej Skrypal i z čym moža być źviazana trahičnaja situacyja.