ZVR Biełarusi znoŭ pieravysili 7 miljardaŭ dalaraŭ
Mižnarodnyja reziervovyja aktyvy Respubliki Biełaruś na 1 sakavika 2018 hoda, pa papiarednich danych, skłali 7 093,4 młn. dołaraŭ ZŠA (u ekvivalencie), paviedamlaje nbrb.by.
Za luty 2018 hoda zołatavalutnyja reziervy vyraśli na 616,1 młn. dołaraŭ ZŠA (na 9,5 pracenta) paśla źnižeńnia ŭ studzieni 2018 hoda na 837,9 młn. dołaraŭ ZŠA (na 11,5 pracenta).
Pavieličeńniu mižnarodnych reziervovych aktyvaŭ u lutym spryjali pastupleńnie srodkaŭ ad prodažu Ministerstvam finansaŭ jeŭraablihacyj, pastupleńnie srodkaŭ ad prodažu na ŭnutranym rynku Nacyjanalnym bankam i Ministerstvam finansaŭ ablihacyj, naminiravanych u zamiežnaj valucie, pastupleńnie zamiežnaj valuty ŭ biudžet, u tym liku ad źbirańnia ekspartnych pošlin na naftu i naftapradukty, a taksama kupla zamiežnaj valuty na tarhach AAT «Biełaruskaja valutna-fondavaja birža».
Uradam i Nacyjanalnym bankam u lutym vykanana źniešnich i ŭnutranych abaviazacielstvaŭ u zamiežnaj valucie na sumu kala 470 młn. dołaraŭ ZŠA.
Zhodna z Asnoŭnymi napramkami hrašova-kredytnaj palityki na 2018 hod abjom mižnarodnych reziervovych aktyvaŭ na 1 studzienia 2019 hoda z ulikam pahašeńnia Uradam Respubliki Biełaruś i Nacyjanalnym bankam unutranych i źniešnich abaviazacielstvaŭ u zamiežnaj valucie pavinien skłaści nie mienš za 6 młrd. dołaraŭ ZŠA.