Hałoŭny ekanamičny daradca Trampa sychodzić u adstaŭku
Getty Images
Ekanamičny daradca prezidenta ZŠA Hery Kon, były prezident banka Goldman Sachs i prychilnik svabodnaha handlu, nie padtrymaŭ płan Donalda Trampa ŭvieści pošliny na impart stali i aluminiju ŭ ZŠA i płanuje ŭ najbližejšy čas syści ŭ adstaŭku.
Bieły dom abviaściŭ pra sychod pavodle ŭłasnaha žadańnia Hery Kona — kiraŭnika nacyjanalnaj ekanamičnaj rady pry prezidencie ZŠA, jaki dapamahaŭ Donaldu Trampu pravodzić padatkovuju reformu ŭ 2017 hodzie.
Pryčynaj adstaŭki Kona, jak miarkujecca, mahła stać niazhoda z namieram Trampa ŭvieści ŭvaznyja pošliny na stal i aluminij, što, jak ličycca, pahražaje handlovaj vajnoj Amieryki ź Jeŭropaj.
U svajoj zajavie pry hetym hałoŭny ekanamičny daradca Tramp nie ŭkazaŭ kankretnaj pryčyny sychodu z administracyi Trampa, padziakavaŭšy prezidentu za mahčymaść słužyć krainie i spryjać mieram, skiravanym na ekanamičny rost.
Kon — viadomy ekanamist, eks-prezident banka Goldman Sachs i prychilnik Demakratyčnaj partyi — ličycca pierakananym hlabalistam.
Heta ŭžo čaćviortaja adstaŭka ŭ asiarodździ Trampa i najvyšejšych orhanach ułady ZŠA paśla Novaha hoda. Tydzień tamu ab adstaŭcy zajaviła Choup Chiks — kiraŭnik PR-słužby Biełaha doma.