Kaśmičny aparat upieršyniu pieradaŭ infarmacyju ź nietraŭ atmaśfiery Jupitera
Aparat Juno pieradaŭ NASA źviestki ab pracesach, jakija adbyvajucca ŭ atmaśfiery Jupitera na hłybini try tysiačy kiłamietraŭ. Časopis Nature apublikavaŭ čatyry artykuły, pryśviečanyja ŭnutranaj budovie płaniety.
Jak adznačaje The Verge, novyja dadzienyja śviedčać, što Jupiter — jašče bolš składanaja płanieta, čym ličyłasia raniej.
Naprykład, mocnyja vichry, zafiksavanyja ŭ jahonaj atmaśfiery, jak akazałasia, pranikajuć uhłyb płaniety i vyklikajuć źmieny ŭ hravitacyjnym poli. Daśledčyki vyśvietlili, što jano asimietryčnaje pa kirunku z poŭnačy na poŭdzień.
Pry hetym hazavaje jadro Jupitera krucicca, zhodna ź infarmacyjaj ab hravitacyi, jak ćviordaje cieła.
Akramia taho, Juno pieradała zdymki pavierchni płaniety, zroblenyja ŭ infračyrvonym dyjapazonie. Akazałasia, što cykłony ŭ atmaśfiery Jupitera na jaho kancavośsiach składvajucca ŭ mudrahielistyja ŭzory. Čamu tak adbyvajecca, navukoŭcy pakul nie vyśvietlili.
Juno zapuścili ŭ 2011 hodzie. Na arbitu Jupitera stancyja vyjšła ŭ 2016-m i budzie pracavać tam da siaredziny 2018 hoda, paśla čaho jaje nakirujuć u atmaśfieru płaniety, dzie Juno zharyć.