Biełarusy Bielhii ŭšanavali pamiać aŭtara himna «Mahutny Boža» FOTA
65 hadoŭ tamu ŭ Bielhii pamior biełaruski kampazitar i piedahoh — Mikoła Ravienski. Jaki ŭ 1944 hodzie pakinuŭ Biełaruś i apošnija hady pražyŭ u emihracyi ŭ bielhijskim horadzie Luven.
Vykładaŭ muzyku ŭ tamtejšym univiersitecie i kiravaŭ choram ź biełarusaŭ, jakija taksama akazalisia ŭ emihracyi. Chor daŭ šmat kancertaŭ pa Zachodniaj Jeŭropie, zapisali niekalki płytak. Mikoła Ravienski byŭ siabram Rady Biełaruskaj Narodnaj Respubliki ŭ vyhnańni.
Uspaminami adnaho ź jaho vučniaŭ dzielicca radny BNR ź Bielhii Źmicier Pimienaŭ:
— Jon byŭ užo ciažka chvory, viedaŭ, što moža chutka pamre. Ale jon usio roŭna, jak raskazvaŭ Janka Žučka, byŭ prosta apantany ŭ hetych repietycyjach. Jon nie žyŭ ni adnoj chviliny, kab nie zajmacca muzykaj. Jon hadzinami muzycyravaŭ. Jon hadzinami viečarami zajmaŭsia z hetymi chłopcami.
Mikoła Ravienski pachavany na mohiłkach horada Luven. Zaraz hetaje miesca šanujecca i dahladajecca biełarusami Bielhii. Jany tradycyjna naviedvajuć jaho na Dziady i na Dzień Voli.
Niekalki miesiacaŭ tamu biełarusy z usiaho śvietu sabrali srodki i ŭstalavali novuju nadmahilnuju plitu z notami samaha viadomaha tvoru aŭtara — duchoŭnaha himna Biełarusi «Mahutny Boža».