Arhanizacyjny kamitet pa śviatkavańni ŭhodkaŭ BNR admiažoŭvajecca ad Statkieviča
«Nacyjanalny Hramadski Arhanizacyjny Kamitet pa śviatkavańni 100-ch uhodkaŭ BNR zajaŭlaje, što nie maje dačynieńnia da dziejańniaŭ i vykazvańniaŭ Mikoły Statkieviča, jakija niepravamocna robiacca im ad imia Arhkamitetu»,
— paviedamlajecca ŭ zajavie arhkamiteta.
U dakumiencie, padpisanym staršynioj kamiteta Mikołam Kupavam i jaho namieśnikami Leanidam Akałovičam i Alesiem Žučkovym, źviartajuć uvahu na toje, što 5 sakavika Mikałaj Statkievič pryniaŭ rašeńnie ab padačy zajaŭki na praviadzieńnie vuličnaha šeścia i zajaŭlaje ab namiery pravieści šeście navat u vypadku admovy Minharvykankamam biez uzhadnieńnia z kiraŭnictvam arhkamiteta.
«Takija dziejańni nie adpaviadajuć papiarednim rašeńniam Arhkamiteta pra śviatočny farmat adznačeńnia Dnia Niezaležnaści i Voli ŭ honar Biełaruskaj Narodnaj Respubliki»,
— havorycca ŭ zajavie.