U Barysavie pjany 45-hadovy ŭnuk zabiŭ babulu, bo jana paprasiła jaho nie chadzić raździetym paśla dušu
45-hadovy žychar Barysava abvinavačvajecca ŭ ździajśnieńni naŭmysnaha zabojstva svajoj 87-hadovaj babuli i zamachu na naŭmysnaje zabojstva jaje 78-hadovaj znajomaj. Padrabiaznaści siamiejnaj dramy raspaviali ŭ prakuratury vobłaści.
Pjany mužčyna 12 žniŭnia 2017 hoda doma ŭ chodzie raptoŭna ŭźnikłaha kanfliktu z babulaj i jaje siabroŭkaj žorstka źbiŭ abiedźviuch pažyłych žančyn: nanios kala 40 udaraŭ kožnaj rukami i nahami pa roznych častkach cieła, u tym liku ŭ žyćciova važnyja orhany — hałavu, šyju, hrudnuju kletku. Ad atrymanych traŭmaŭ babula abvinavačanaha pamierła na miescy.
Druhoj žančynie ŭdałosia źbiehčy — i joj apieratyŭna akazali dapamohu miedyki.
Jak raspaviali ŭ prakuratury, kanflikt u siamji paŭstaŭ z-za taho, što babula zrabiła zaŭvahu ŭnuku: paprasiła jaho nie chadzić pa vulicy raździetym paśla dušu.
Mužčynu pahražaje pazbaŭleńnie voli na termin da 25 hadoŭ, abo pažyćciovaje źniavoleńnie, abo śmiarotnaje pakarańnie. Sprava pajšła ŭ sud.