Ukrainskim spartsmienam zabaranili ŭdzieł va ŭsich spabornictvach u Rasii
Na Alimpijadzie ŭ Pchiončchanie, fota Reuters.com
Kiraŭnik Ministerstva sportu i moładzi Ukrainy Ihar Ždanaŭ padpisaŭ zahad, jaki zabaraniaje členam nacyjanalnych zbornych Ukrainy pa ŭsich vidach sportu ŭdzielničać u lubych spabornictvach, jakija prachodziać na terytoryi Rasii, a taksama pravodzić u Rasii vučebna-trenirovačnyja zbory, havorycca ŭ paviedamleńni viedamstva.
«Ja padpisaŭ novy zahad. Ukrainskija spartsmieny nie buduć prymać udzieł ni ŭ jakich spabornictvach, jakija prachodziać na terytoryi Rasii», — napisaŭ Ždanaŭ na svajoj staroncy ŭ fejsbuku
Akramia taho, ministerstva sportu Ukrainy rekamienduje ŭsim nacyjanalnym spartovym fiederacyjam ŭstrymacca ad jakoha-niebudź udziełu ŭ lubych spartyŭnych mierapryjemstvach, jakija pravodziać u Rasii.
Tłumačačy heta rašeńnie, Ždanaŭ pakazaŭ, što spabornictvy, jakija pravodziacca ŭ Rasii «prosta niebiaśpiečnyja» dla ŭkrainskich spartsmienaŭ.
Raniej zbornaja Ukrainy admoviłasia prymać udzieł u dziaviatym etapie Kubka śvietu pa bijatłonie ŭ Ciumieni.