Łukašenka pavinšavaŭ Mierkiel ź pieravybrańniem na pasadu kanclera Hiermanii
Reuters.com
Alaksandr Łukašenka pavinšavaŭ Anhiełu Mierkiel ź pieravybrańniem na pasadu fiederalnaha kanclera Niamieččyny. Pra heta BIEŁTA paviedamili ŭ pres-słužbie biełaruskaha kiraŭnika.
«Pierakanany, što Vaš vyklučny aŭtarytet, bahaty palityčny vopyt buduć spryjać dalejšamu raźvićciu krainy i ŭmacavańniu jaje pazicyj na mižnarodnaj arenie. Spadziajusia, što novy ŭrad FRH na čale z Vami praciahnie kurs na pašyreńnie biełaruska-hiermanskaha dyjałohu ŭ roznych śfierach i padtrymku pracesu narmalizacyi adnosin pamiž Respublikaj Biełaruś i Jeŭrapiejskim sajuzam», — havorycca ŭ vinšavańni.