Premjer Słavakii hatovy syści ŭ adstaŭku praz zabojstva žurnalista
Premjer-ministr Słavakii Robiert Fico zajaviŭ, što hatovy syści ŭ adstaŭku z-za palityčnaha kryzisu, jaki ŭźnik paśla zabojstva žurnalista Jana Kuciaka i jaho niaviesty, paviedamlaje Aktuality.
«Siońnia ja naviedaŭ prezidenta Andreja Kisku i paviedamiŭ jamu, što ja hatovy syści ŭ adstaŭku», — skazaŭ Fica.
Adnak jon pastaviŭ try ŭmovy svajoj adstaŭki: pasada premjer-ministra pavinna zastacca za partyjaj Smer, jakuju ŭznačalvaje Fica, prezident abiacaje pavažać kaalicyjnaje pahadnieńnie i pavažać vyniki vybaraŭ 2016 hoda.
Pytańnie adstaŭki kiraŭnika ŭrada Słavakii kančatkova vyrašycca ŭ čaćvier, 15 sakavika.
Fico ŭznačaliŭ kaalicyjny ŭrad paśla vybaraŭ ŭ 2016 hodzie.
Na vychodnych dziasiatki tysiač słavakaŭ vyjšli na vulicy haradoŭ krainy i za miažoj z-za zabojstva žurnalista-daśledčyka Jana Kuciaka. Pratestoŭcy pryjšli taksama pad budynak parłamienta i ŭrada i patrabavali adstaŭki premjera Robierta Fica.