U internecie źjaviłasia VIDEA, na jakim «zaśviaciŭsia» mierkavany iPhone SE 2, jaki Apple jašče nie prezientavała
U 2018 hodzie kampanija Apple, jak miarkujuć analityki, pradstavić try novyja iPhone. Siarod ich maje być i novaja viersija iPhone SE — mahutnaha, ale maleńkaha i adnosna tannaha smartfona. Kitajski sajt Macotakara, jaki publikuje roznyja ŭciečki, raźmiaściŭ videa, jakoje, jak śćviardžajuć aŭtary, demanstruje iPhone SE novaha pakaleńnia.
Pakazany smartfon vielmi nahadvaje iPhone X: u im taksama ŭstalavana funkcyja Face ID i padvojnaja kamiera ź viertykalnaj aryjentacyjaj. Korpus mierkavanaha iPhone SE 2 maje mietaličnyja płoskija baki, jakimi adroźnivajecca i pieršaje pakaleńnie SE.
Varta ŭličvać, što na videa moža być pakazanaja ŭmieła sabranaja padrobka. Ale ŭ hetaha resursu dobraja reputacyja: raniej jon paśpiachova pradkazaŭ, što Apple admovicca ad 3,5-milimietrovaha razdyma dla navušnikaŭ, tamu pradstaŭleny smartfon moža akazacca realnaj madellu.
Ab płanach abnaŭleńnia liniejki SE nieadnarazova paviedamlała niekalki analityčnych kampanij.