Navukoŭcy stvaryli pčoł-robataŭ, jakija mohuć apylać raśliny VIDEA
Japonskija navukoŭcy stvaryli maleńkich «pčałarobataŭ», jakija mohuć apylać kvietki. Papulacyja pčoł u śviecie imkliva źmianšajecca, i drony — bieśpiłotnyja latajučyja aparaty — pavinny kampiensavać upłyŭ hetaj tendencyi na pryrodu, piša Quartz.
Sapraŭdnyja pčoły
U pryrodzie pčoły adyhryvajuć vielmi važnuju rolu: jany ŭdzielničajuć u apyleńni raślin. Ale kolkaść pčoł va ŭsim śviecie pamianšajecca, i kali hetaje źmianšeńnie praciahniecca takimi ž tempami, jak i zaraz, to pčoły mohuć uvohule źniknuć užo praź niekalki dziasiatkaŭ hadoŭ.
Japonskija navukoŭcy prydumali rašeńnie: jany stvaryli maleńkija drony, jakija mohuć zajmacca apyleńniem, pieranosiačy pyłok z kvietki na kvietku z dapamohaj lipkaha hielu.
Pakul hetyja drony nie mohuć svabodna lotać u dzikaj pryrodzie — jany jašče patrabujuć dystancyjnaha kiravańnia čałaviekam. Ale navukoŭcy płanujuć u dalejšym zaprahramavać «pčałarobataŭ», vykarystoŭvajučy štučny intelekt i GPS-sistemy navihacyi.