U centry Słucka troch padletkaŭ žorstka źbili i ŭsio heta źniali na VIDEA
U słuckaje vydańnie «Kurjer» trapiŭ zapis hetaha zdareńnia. Krynicy, jakija pažadali zastacca ananimnymi, raspaviali pieradhistoryju hetych kadraŭ.
U adnoj sa słuckich viosak dziaŭčyna paprasiła 15-hadovaha chłopca-susieda pahavaryć z maładym čałaviekam, jaki nadakučyŭ joj paviedamleńniami ŭ sacsietkach i telefonnymi zvankami.
Padčas čarhovaha zvanka jana dała junaku trubku, i dvoje chłopcaŭ damovilisia sustrecca ŭ horadzie i prosta pahavaryć.
U subotu, 10 sakavika, junak ź vioski vyrašyŭ sa svaimi bratami schadzić u słuckuju piceryju, pahulać pa horadzie i zaadno pahavaryć z nadakučlivym kavaleram svajoj susiedki.
Jon paprasiŭ bratoŭ pačakać niedaloka, kala altanki, a sam pajšoŭ na razmovu.
Ale razmovy nie było. Zamiest adnaho chłopca ich čakali niekalki junakoŭ.
Usio skončyłasia źbićciom i špitalizacyjaj troch školnikaŭ.
Uvaha! Videa ŭtrymlivaje sceny hvałtu i nienarmatyŭnuju leksiku!
Adnaho ź junakoŭ užo vypisali ź lakarni, druhoha pavinny vypisać siońnia-zaŭtra, treci jašče znachodzicca pad nahladam lekaraŭ.
Svajaki paciarpiełych źviarnulisia ŭ milicyju.