Łukašenka lacić u Hruziju
Alaksandr Łukašenka 22—23 sakavika zrobić aficyjny vizit u Hruziju.
Pra heta BIEŁTA paviedamili ŭ pres-słužbie biełaruskaha kiraŭnika.
Prahramaj vizitu zapłanavany aficyjnyja pieramovy z prezidentam Hruzii Hiorhijem Marhviełašvili. Kiraŭniki dziaržaŭ abmiarkujuć biahučy stan i pierśpiektyvy raźvićcia handlova-ekanamičnaha supracoŭnictva. U tym liku razmova pojdzie ab pašyreńni asartymientu i abjomaŭ pradukcyi, raźvićci vytvorčaj kaapieracyi, stvareńni sumiesnych pradpryjemstvaŭ dy inš.
Jany taksama abmiarkujuć pytańni supracoŭnictva ŭ halinie palityki, kantakty krain na mižnarodnych placoŭkach, situacyju ŭ śviecie i rehijonie.
Pa vynikach pieramoŭ płanujecca padpisańnie šerahu mižnarodnych dakumientaŭ.
Akramia taho, płanujucca sustrečy Alaksandra Łukašenki z premjer-ministram Hruzii Hieorhijem Kvirykašvili, Katalikosam-Patryjarcham ŭsioj Hruzii Ilijoj II.