ZŠA mohuć uvieści sankcyi suprać budaŭnikoŭ «Paŭnočnaha patoku — 2»
Nord Stream 2 Corp./Twitter.com
Pradstaŭnik Dziarždepartamienta ZŠA Chizer Nojert zajaviła, što zamiežnyja kampanii, jakija ŭdzielničajuć u prajekcie budaŭnictva hazapravoda «Paŭnočny patok — 2», mohuć trapić pad amierykanskija sankcyi. Pra heta piša Deutsche Welle.
«My jasna dali zrazumieć, što firmy, jakija pracujuć u rasijskim enierhietyčnym siektary, mohuć — kali jany praciahnuć zajmacca hetym biznesam — padvierhnucca sankcyj u ramkach CAATSA», — skazała Nojert.
Jana taksama padkreśliła, što ŭrad ZŠA vystupaje suprać prajektu «Paŭnočny patok — 2».