Mužčyna adsudziŭ 317 tysiač jeŭra, tamu što zamiest jaho pavysili žančynu
Zhodna z rašeńniem aŭstryjskaha suda, Picier Francmajer praz hiendarnuju dyskryminacyju na pracy atrymaje 317 tysiač jeŭra (764 000 BYN) kampiensacyi, paviedamlaje Daily Mail. Heta suma, jakuju jon zarabiŭ by, kali b zajmaŭ pasadu, na jakuju jaho pavinny byli abrać, ale nie abrali.
Picier Francmajer. Fota Stadt Wels.
U 2011 hodzie Picier i jašče niekalki kandydataŭ pretendavali na pasadu načalnika novaha adździeła. Siarod kankurentaŭ Piciera była Uršula Zechnier, jakaja na toj momant kiravała nacyjanalnym viedamstvam rehulavańnia čyhunak Schienen-Control. I choć kvalifikacyju Piciera acanili na 0,25% vyšej, pasada ŭsio adno dastałasia žančynie.
Rašeńnie spynicca na kandydatury Uršuli pryniała Dorys Bure — eks-ministarka transpartu Aŭstryi. Jana patłumačyła, što prytrymlivałasia zakonu padčas usich etapaŭ adboru, ale na pryniaćcie kančatkovaha rašeńnia paŭpłyvaŭ značny niedachop žančyn. Bure vykazała spadzieŭ, što hetaja situacyja nie pastavić pad pahrozu pryncyp prasoŭvańnia žančyn pa słužbie.