Čaćviora ŭ ciažkim stanie: turaŭtobus ź Biełarusi trapiŭ u avaryju ŭ Pskoŭskaj vobłaści
Turystyčny aŭtobus ź Biełarusi trapiŭ u avaryju ŭ Pskoŭskaj vobłaści. Aŭtobus, u jakim znachodziłasia 50 čałaviek, siarod ich 11 dziaciej, sutyknuŭsia ź lehkavikom.
U DTZ paciarpieli 18 čałaviek, u tym liku siem dziaciej i kiroŭca aŭtobusa «Miersiedes». Pra heta TASS paviedamili ŭ pres-słužbie UUS Pskoŭskaj vobłaści.
Sutyknieńnie adbyłosia na 222-m km fiederalnaj trasy Sankt-Pieciarburh — Nieviel, paśla taho jak aŭtamabil «VAZ-2107» vyjechaŭ na pałasu sustrečnaha ruchu.
Hałoŭny doktar pskoŭskaj abłasnoj balnicy Anatol Vołkaŭ paviedamiŭ TASS, što ŭ čatyroch pacyjentaŭ ciažki stan. Zaraz u balnicy znachodziacca siem darosłych, jašče adnaho pryviazuć ź miesca DTZ u bližejšy čas. «Ciažki stan u čaćviarych, akazvajem dapamohu, dyjahnazy nie staviacca ŭ piać chvilin. Z pastupiŭšych — dvoje žycharoŭ Pskoŭskaj vobłaści, astatnija — biełarusy», — skazaŭ Vołkaŭ.
Hałalodu na ŭčastku, dzie adbyłosia DTZ, nie było.