U Babrujsku zatrymanyja zajaŭnicy mitynhu da Dnia Voli
abnoŭlena
Aktyvistka Halina Śmirnova ciapier znachodzicca ŭ miascovym izalatary časovaha ŭtrymańnia. Sudzić jaje buduć 26 sakavika, piša radyjo «Svaboda».
Babrujski harvykankam nie dazvoliŭ pravieści akcyju ŭ centry horadu na płoščy Pieramohi 24 sakavika, a prapanavaŭ sabracca 25 sakavika na stadyjonie «Słavianka».
Napiaredadni Halinu Śmirnovu papiaredziŭ pra administracyjnuju adkaznaść za niesankcyjanavanaje mierapryjemstva major milicyi Siarhiej Rudźko.
Pra zatrymańnie aktyvistki paviedamiŭ u supołcy «Naš Babrujsk» u fejsbuku paplečnik Śmirnovaj Uładzimier Łazaraŭ. Jon napisaŭ, što aktyvistku aryštavali apoŭnačy, kali jana vychodziła z ofisu haradzkoj arhanizacyi AHP.
Siońnia była zatrymanaja i druhaja zajaŭnica — Taisija Kabančuk, aktyvistka BCHD. Čaćviora ŭ cyvilnym hvałtam zaciahnuli žančynu ŭ milicejskuju mašynu. Pra heta paviedamiła paplečnica zatrymanaj Halina Łazaravaj. Pavodle jaje, Taisija Kabančuk ciapier utrymlivajecca ŭ rajonnym adździele milicyi.