Zatrymali hrupu naziralnikaŭ «Viasny»
Z 10 hadzinaŭ ranicy pačalisia ruchi kala Teatra opiera i baleta ŭ Minsku. Da miesca praviadzieńnia kancerta ściahnuta śpiectranspart - kala 15 busaŭ, adna mašyna chutkaj dapamohi, dziažuryć kala 200 supracoŭnikaŭ milicyi pa formie, kala dziesiatku ŭ cyvilnym, paviedamlaje «Viasna».
Kala 10 hadzinaŭ da adnoj z naziralnic «Vałanciorskaj słužby» hrukalisia ŭ dźviery supracoŭniki milicyi. Stajali kala 10 chvilin i potym syšli.
Paviedamlajecca, što zatrymany palityk Mikałaj Statkievič, jakomu było admoŭlena ŭ praviadzieńni šeścia ad pł. Jakuba Kołasa da śviatočnaha kancerta. Niekalki dzion jaho pilnavali supracoŭniki milicyi kala doma.
Pa vulicy Daraševiča kałona bolš, čym ź dziesiać aŭtazakaŭ, jość mašyny dla pieravozki zatrymanych. Na vulicy Čyrvonaja, a taksama kala st.m. Jakuba Kołasa taksama stajać aŭtazaki.
Pierakryt ruch pa darozie za Teatram opiery i baleta.
Mikałaj Statkievič dastaŭleny ŭ RUUS Leninskaha rajona.
Kala CUMa zatrymana try-čatyry čałavieki, ich viaduć ad mietro da aŭtazakaŭ. Heta Valancin Trocki, Ryhor Paharcaŭ, Furs.
Zatrymana hruppa naziralnikaŭ «Viasny» kala płoščy Jakuba Kołasa. Šeść čałaviek zaraz znachodzicca ŭ aŭtazaku, u tym liku pravaabaronca Nasta Łojka.