Biełarus ź Viciebska zrabiŭ unikalnaje FOTA prachodžańnia MKS pa dysku Miesiaca
Udzielnik Viciebskaha astranamičnaha kłuba «Hielijos» pry VDU imia Mašerava zrabiŭ unikalnuju fatahrafiju tranzitu Mižnarodnaj kaśmičnaj stancyi pa dysku Miesiaca, paviedamlajuć «Vićbičy».
Fota: Uładzisłaŭ Varaniecki.
Uładzisłaŭ Varaniecki amal 14 hadoŭ zachaplajecca fatahrafijaj. Raniej atrymlivałasia sfatahrafavać tranzit samalota pa dysku Miesiaca, a ŭ apošnija 3 hady jon sprabavaŭ zrabić kadr prachodu mienavita MKS, ale pieraškadžała nadvorje. 30 sakavika heta ŭdałosia.
Padčas zdymki chutkaść stancyi składała 27 615 kiłamietraŭ za hadzinu, a vyšynia — 402 kiłamietry. Prachod MKS u kadry zaniaŭ 0,89 siekundy. Składanaść była i ŭ vialikaj fokusnaj adlehłaści — 2 tysiačy milimietraŭ.
Ciapier Uładzisłaŭ płanuje zrabić jašče adno fota — prachodžańnia MKS pa dysku Sonca. Technična heta vykanać jašče składaniej.
Prachod samalota pa dysku Miesiaca. Fota: Uładzisłaŭ Varaniecki.