Na nastupnyja 20 hadoŭ hałoŭnymi mohiłkami Minska stanie Mały Traścianiec
Da ŭładkavańnia terytoryi novych mohiłak prystupiać u 2019 hodzie, paviedamiŭ karespandentu ahienctva «Minsk-Naviny» namieśnik dyrektara KUP «Śpieckambinat KBA» Siarhiej Tur.
Ciapier raspracoŭvajecca prajektna-kaštarysnaja dakumientacyja. Niekropal raźmieścicca la pasiołka Mały Traścianiec, na vyjeździe ź Minska ŭ mahiloŭskim kirunku. Jaho płošča składzie bolš za 80 ha, budaŭnictva budzie vieścisia ŭ try čarhi. Pa raźlikach pradpryjemstva, na hetaj terytoryi možna budzie ažyćciaŭlać pachavańnia na praciahu 15—20 hadoŭ.
— Novaja mohiłki nieabchodnyja, — adznačyŭ S. Tur. — Adzinaje adkrytaje dla masavych pachavańniaŭ «Zachodniaje» praz 1—1,5 hoda stanie abmiežavana dziejnym: pachavańni buduć mahčymymi ŭ miežach raniej vyłučanaha ŭčastka pry najaŭnaści na im volnaha miesca.