Popyt na pradukty biełaruska-amierykanskaha startapa Workfusion za hod vyras na 850%
Amierykana-biełaruskaja kampanija Workfusion, jakaja pačynała svoj šlach jak zvyčajny startap u 2011 hodzie, pryciahnuła ŭžo $118 miljonaŭ inviestycyj, piša dev.by.
Fota: dev.by
Razumnaja sistema dla pracy z kraŭd-płatformami, interaktyŭnyja boty, aŭtamatyzacyja pracy na asnovie mašynnaha navučańnia — kampanija WorkFusion raspracoŭvaje pradukty, rynak dla jakich jašče tolki farmirujecca. Kantrakty z topavymi bankami ZŠA i Jeŭropy i inviestycyi pamieram $14 młn — usio heta było dasiahnuta tolki za pieršyja piać hod isnavańnia.
Z tych časoŭ kampanija WorkFusion ź pierśpiektyŭnaha startapa pieratvaryłasia ŭ važnaha hulca suśvietnaha rynku kahnityŭnaj aŭtamatyzacyi i RPA (rabatyzavanaj aŭtamatyzacyi biznes-pracesaŭ).
Kampanija płanuje nakiravać inviestycyi na pašyreńnie suśvietnaj ekspansii i pahłybleńnie daśledavańniaŭ u halinie vykarystańnia štučnaha intelektu i aŭtamatyzacyi pracy.
«Popyt na našy pradukty vyras na 850 adsotkaŭ u 2017 hodzie, što pakazvaje na važnaść technałohij štučnaha intelektu ŭ aŭtamatyzacyi takich biznes-pracesaŭ, jak rehistracyja klijentaŭ, apracoŭka patrabavańniaŭ u strachavańni i ŭlik finansaŭ», — raspavioŭ dev.by hienieralny dyrektar kampanii Aleks Lašok.