Žychar Fanipala pahražaŭ zabić znajomuju čajnaj łyžkaj
42-hadovy žychar Fanipala z reŭnaści pahražaŭ zabić 45-hadovuju znajomuju čajnaj łyžkaj, paviedamlaje mlyn.by
Žančyna źviarnułasia ŭ Dziaržynski RUUS i paviedamiła, što ŭdzień na jaje pracu ŭ adnu z kramaŭ zajaviŭsia znajomy, ź jakim jany raniej padtrymlivali blizkija stasunki. Pjany mužčyna zładziŭ scenu reŭnaści, padčas jakoj prystaviŭ da horła žančyny niejki vuzki mietaličny pradmiet i pahražaŭ zabić.
Paśla, źlohku astyŭšy, raŭniviec adpraviŭsia ŭ dom da maci žančyny i zładziŭ skandał tam. Paśla zatrymańnia debašyra, vyśvietliłasia, što jon prosta vyrašyŭ papałochać siabroŭku z dapamohaj čajnaj łyžki — mienavita jaje jon prystaviŭ da horła žančyny. Ale žančyna padumała, što ŭ jaje šyi byŭ nož.
U vyniku za pahrozu zabojstvam mužčynu mohuć pakarać štrafam, papraŭčymi rabotami terminam da adnaho hoda abo aryštam na 6 miesiacaŭ.