Aman Tulejeŭ uznačaliŭ parłamient Kuzbasa
Były hubiernatar Kuzbasa Aman Tulejeŭ abrany staršynioj abłasnoha savieta narodnych deputataŭ, paviedamlaje «Interfaks».
Na pazačarhovaj siesii parłamienta 10 krasavika za jaho kandydaturu prahałasavali 38 z 39 deputataŭ. Tulejeŭ byŭ adzinym kandydatam na pasadu śpikiera.
Tulejeŭ uznačalvaŭ Kiemieraŭskuju vobłaść z 1997 hoda. 1 krasavika 2018 hoda jon padaŭ u adstaŭku. Heta adbyłosia praz tydzień paśla pažaru ŭ handlovym centry «Zimovaja višnia», u vyniku jakoha zahinuli 64 čałavieki.