U niadzielu ŭ Kurapatach pamolacca ab achviarach represij
15 krasavika vierniki zmohuć uziać udzieł u paminalnym nabaženstvie, jakoje projdzie va ŭročyščy Kurapaty, paviedamlaje sobor.by.
Padčas panichidy možna budzie pamalicca ab usich niavinna zabitych, u tym liku i ab achviarach masavych rasstrełaŭ, jakija prachodzili va ŭročyščy Kurapaty. Pačatak panichidy — 14.00. Uznačalić paminalnaje nabaženstva ijerej Adryjan Łatuška, nastajaciel Uśpienskaha prychodu.
Paminalnaja malitva ŭ Kurapatach užo stała tradycyjaj. Pa dabrasłavieńni mitrapalita Minskaha i Zasłaŭskaha Paŭła i namahańniami maładoha Uśpienskaha prychodu pravasłaŭnyja panichidy prachodziać tut dvojčy na hod — na Radaŭnicy i na Dźmitryjeŭskuju baćkoŭskuju subotu. Vierniki źbirajucca na malitvu ŭ samym centry ŭročyšča, kala pamiatnaha kamienia.