Chłopiec pasvaryŭsia ź dziaŭčynaj, ale adpomściŭ čamuści čužoj mašynie
Małady čałaviek paškodziŭ ŭviečary 8 krasavika aŭtamabil, pryparkavany kala kramy na vuł. Kasmanaŭtaŭ, paviedamili «Minsk-Naviny» u Maskoŭskim RUUS.
— Minaki pačuli huki udaraŭ i ŭbačyli, jak chłopiec bje nahami mašynu. Vidavočcy ŭtrymlivali maładoha čałavieka na miescy zdareńnia da prybyćcia milicyi.
Niezadoŭha da hetaha jon pasvaryŭsia ź dziaŭčynaj, vypiŭ. Viartajučysia dadomu, zachacieŭ jašče vypić, adnak mahazin byŭ užo začynieny. Tady vyrašyŭ spahnać złość na pryparkavanym pobač aŭtamabili, - raspaviała aficyjny pradstaŭnik Maskoŭskaha RUUS Volha Michalenia.
U kryvi było znojdziena dva pramile. Mužčynu — 34 hady, jon pracuje kandytaram na staličnym pradpryjemstvie i raniej da kryminalnaj adkaznaści nie pryciahvaŭsia.