Paćvierdžana, što Skrypalaŭ atrucili «Navičkom»
CHRIS J RATCLIFFE /GETTY
Arhanizacyja pa zabaronie chimičnaj zbroi (AZCHZ) paćvierdziła viersiju brytanskaha ŭrada, što byłoha pałkoŭnika HRU Siarhieja Skrypala i jaho dačku Juliju atrucili niervova-paralityčnym rečyvam «Navičok». Pra heta paviedamlaje Sky News.
AZCHZ praviała niezaležnuju ekśpiertyzu i vyjaviła ŭtrymańnie taksinu ŭ probach, sabranych na miescy atručvańnia ŭ brytanskim Sołśbiery. Akramia hetaha, analiz kryvi paciarpiełych pakazaŭ najaŭnaść «Navička» jak u arhaniźmie Skrypalaŭ, tak i siaržanta miascovaj palicyi Nika Bejli, jaki patrapiŭ u balnicu z atručvańniem paśla naviedvańnia doma Siarhieja Skrypala.
U dakładzie arhanizacyi havorycca, što vyjaŭleny ŭ probach chimikat byŭ čystym i bieź jakich-niebudź prymiešak.
Raniej paviedamlałasia, što AZCHZ zaviaršyła rasśledavańnie i pieradało spravazdaču pa vynikach uradu Vialikabrytanii.