Minabarony Rasii rassakreciła niekatoryja materyjały ab słužbie Juryja Haharyna FOTA
Na sajcie rasijskaha Ministerstva abarony da Dnia kasmanaŭtyki źjaviłasia rassakrečanaja infarmacyja ab staršym lejtenancie Haharynie z Centra padrychtoŭki kasmanaŭtaŭ.
«Intelektualnaje raźvićcio vysokaje. Valavyja pracesy ŭstojlivyja. U struktury asoby pieravažaje tavaryskaść, aptymizm i zdarovy humar. Dyscyplinavany, hramatny aficer. Strajavaja vyprava i źniešni vyhlad dobryja. Z tavaryšami kamunikuje dobra, u zvarocie vietlivy», — adznačajecca ŭ charaktarystycy.
Fota hetaje i nižej: gagarin2018.mil.ru
Z dakumienta vynikaje, što Haharyn, uradženiec vioski Kłušyna Hžatskaha rajona Smalenskaje vobłaści, mieŭ sialanskaje pachodžańnie i źjaŭlaŭsia členam KPSS z 1960 hoda.
«Fizičnaje raźvićcio dobraje. Rost 165 santymietraŭ, vaha 68 kiłahramaŭ. Spartsmien-razradnik pa baskietbole. Vałodaje dobraj kaardynacyjaj ruchaŭ. Śpiecyjalnyja vidy trenirovak (paloty, parašutnaja padrychtoŭka, praktykavańni na centryfuzie) pieranosić lohka. Pa charaktary spakojny, žyćciaradasny. Krytyku ŭsprymaje pravilna. Da kalektyvu stavicca z pavahaj. Palityčna raźvity, ideałahična ŭstojlivy, umieje zachoŭvać vajennuju tajnu. Addany spravie partyi i sacyjalistyčnaj Radzimie. Za čas znachodžańnia ŭ Centry zarekamiendavaŭ siabie adnym z najbolš padrychtavanych słuchačoŭ», — havorycca ŭ charaktarystycy.
Prademanstravanyja taksama zahady ab nadańni vajskovych zvańniaŭ: