Rada biaśpieki AAN nie pryniała rezalucyju Rasii ab asudžeńni udaraŭ pa Siryi
Li Muzi / Zuma / Global Look Press
Rada Biaśpieki AAN adchiliła rasijskuju rezalucyju, u jakoj asudžalisia ŭdary ZŠA, Vialikabrytanii i Francyi pa Siryi. Pra heta paviedamlaje Reuters.
Rezalucyja była adchilenaja bolšaściu hałasoŭ pastajannych i niepastajannych členaŭ Rady biaśpieki. U padtrymku prajekta dakumienta prahałasavali tolki Rasija, Kitaj i Balivija. Hałasy suprać padali vosiem krain, čatyry dziaržavy ŭstrymalisia.
Pavodle pravił hałasavańnia dla pryniaćcia rezalucyi patrabujecca nie mienš za dzieviać hałasoŭ pry adsutnaści vieta z boku pastajannych členaŭ Rady biaśpieki.
Prajekt rezalucyi byŭ padrychtavany Rasijaj, sklikany admysłovy schod Rady Biaśpieki paśla načnych udaraŭ pa Siryi. U prajekcie rezalucyi było asudžeńnie «ahresii ŭ dačynieńni da Siryi z boku ZŠA i ich sajuźnikaŭ». Akramia taho, u dakumiencie prapanoŭvałasia «nieadkładna spynić ahresiju ŭ dačynieńni da Siryi, a taksama ŭstrymacca ad dalejšaha vykarystańnia siły ŭ parušeńnie Statuta AAN i mižnarodnaha prava».