Dabracca na Radaŭnicu: pierad časovaj pierapravaj cieraz Prypiać utvarylisia hihanckija čerhi VIDEA Z DRONA
«Što značyć dla Biełarusi adzin tresnuty most? Siońniašniaje videa, dumaju, heta prailustruje…» — napisaŭ u siabie ŭ fejsbuku fotomajstar i žurnalist Siarhiej Płytkievič.
Fota zroblena z drona 14 krasavika napiaredadni doŭhich vychodnych i Radaŭnicy. Ludzi masava jeduć na małuju radzimu, kab naviedać mahiły prodkaŭ.
Jak viadoma, u śniežni 2017 hoda tresnuŭ most cieraz Prypiać, jaki byŭ pabudavany ŭ 1985 hodzie i źviazvaŭ pamiž saboj Žytkavičy z Turavam i Lelčycami. Pa im štodnia prachodzili tysiačy aŭtamabilaŭ. Ciapier transpart nakiroŭvajuć ŭ abjezd praz Mazyr i Kalinkavičy abo praz Stolin i Pinsk.