Biełaruskaje vojska padniałosia ŭ suśvietnym rejtynhu Global Firepower
Uzbrojenyja siły Biełarusi za hod padnialisia na 8 pazicyj u rejtynhu najmacniejšych armij śvietu Global Firepower i zaniali 41 miesca.
U minułym ža hodzie biełaruskaje vojska zajmała 49 miesca.
Biełaruś apynułasia pamiž Rumynijaj (40 miesca) i Pieru (42 miesca).
Pieršaja trojka top-armij śvietu jak minimum try hady zapar niaźmiennaja — ZŠA, Rasija i na trecim miescy Kitaj. Armija Ukrainy zaniała ŭ hetym hodzie 29 miesca, Polščy — 22, Litva — 95, Łatvija — 105.
Rejtynh najlepšych armij śvietu składajecca z 136 krain. I jak i ŭ minułym hodzie, na apošnim miescy raźmiaściŭsia miralubivy Butan.
Dla stvareńnia rejtynhu kampanija praviała kompleksnaje daśledavańnie, padčas jakoha ŭličyła bolš za 50 faktaraŭ.
Krainy, u jakich jość jadzierny arsienał, atrymlivali bonusnyja bały. Taksama dadatkovyja bały atrymlivali krainy, jakija źjaŭlajucca siabrami NATA.