U Minsku mohuć źjavicca vulicy Alesia Dudara, Arkadzia Smoliča i park Čynhiza Ajtmatava
Kamisija pa najmieńni i pierajmienavańni praśpiektaŭ, vulic, płoščaŭ i inšych častak stalicy prapanavała Minharsavietu prysvoić nazvy 4 vulicam i 2 parkam, paviedamlajuć «Minsk-Naviny».
Prajektavanuju vulicu №5 u miežach pr. Partyzanskaha — vuł. Kulašova — vuł. Šyškina prapanoŭvajuć nazvać imiem pamiežnika, Hieroja Savieckaha Sajuza Jaŭhiena Miroŭskaha.
Vulicu №3 (ad vuł. Janki Łučyny da vuł. Čyžeŭskich) chočuć nazvać imiem dziejača BNR, navukoŭca Arkadzia Smoliča.
Vulica №5 (ad Ihumienskaha traktu da vuł. Čyžeŭskich), mahčyma, stanie nasić imia kampazitara Uładzimira Ałoŭnikava. A vulicu №7 (ad Ihumienskaha traktu da prajektavanaj vulicy № 3) mohuć nazvać imiem biełaruskaha paeta, Alesia Dudara..
Parku ŭ miežach vuł. Daŭhabrodskaj — zav. Kazłova — Ślapianskaj vodnaj sistemy moža dastacca imia biełaruskaha dziaržaŭnaha dziejača Alaksandra Hierasimienki. A zialonuju zonu ŭ miežach vuł. Plachanava — Vaniejeva — vuł. Rajnisa mohuć nazvać imiem kirhizskaha piśmieńnika Čynhiza Ajtmatava.