Rasijanie zapuścili samalociki ŭ padtrymku Telegram
Rasijanie zapuścili z voknaŭ papiarovyja samalociki ŭ padtrymku svabodnaha internetu. Da ŭdziełu ŭ akcyi zaklikaŭ zasnavalnik Telegram Pavieł Duraŭ.
U subotu karystalnikam Telegram pryjšło paviedamleńnie z prapanovaj paŭdzielničać u akcyi za svabodny internet. «Siomy dzień rasijskija ŭłady błakujuć Telegram. Kali vy padtrymlivajecie svabodny internet, zapuścicie z akna papiarovy samalot siońnia roŭna ŭ 7 viečara», - havaryłasia ŭ paviedamleńni ad słužby apaviaščeńnia karystalnikaŭ mesendžara.
Pavieł Duraŭ u svaim «Ukantakcie» zaklikaŭ praz hadzinu paśla akcyi «zładzić nievialiki subotnik - sabrać tyja samalociki, jakija Vy znojdziecie la Vašaha doma». «Hety tydzień zastaniecca ŭ historyi», — dadaŭ zasnavalnik Telegram.