U Litvie kampaniju aštrafavali na 150 tysiač jeŭra za tranślacyju rasijskaj prapahandy
Litoŭskaja kamisija pa radyjo i telebačańni (ŁKRTB) aštrafavała na 150 tysiač jeŭra kampaniju pasłuh telebačańnia Init za toje, što jana nie vykonvała zabaronu na tranślacyju kanała «RTR Płanieta» i inšych jaho viersij, piša Delfi.
Tranślacyi hetych rasijskich teleprahram ŭ Litvie abmiežavanyja na hod u suviazi z prapahandaj vajny i nacyjanalnaj varožaści — retranślatary pavinny byli spynić tranślacyju da 23 lutaha, adnak vyśvietliłasia, što jašče 1-aha sakavika Init nie vykanała patrabavańnie, to bok tranślavała inšuju viersiju hetaha telekanała pad nazvaj «Rasija RTR».