Dziaržustanovy ŭ Bavaryi abaviažuć vyviešvać na ŭvachodzie kryžy
Ci vy chočacie, kab takoje ŭviali i ŭ Biełarusi?
Markus Zioder.
Premjer-ministr niamieckaj fiederalnaj ziamli Bavaryja Markus Zioder abviaściŭ, što ŭva ŭsich dziaržaŭnych ustanovach rehijona na ŭvachodzie pavinny visieć chryścijanskija kryžy, piša Tagesschau.de.
«Kryž simvalizuje bavarskuju identyčnaść. Heta nie stolki relihijny atrybut, kolki simvał kulturnaj identyčnaści krainy», — skazaŭ palityk.
Adpaviedny ŭkaz pavinien ustupić u siłu 1 červienia. Pry hetym, jak adznačaje Spiegel, usim municypalitetam i rajonach fiederalnaj ziamli «rekamiendujecca dziejničać adpaviednym čynam».
Inicyjatyvu ŭładaŭ padtrymali taksama relihijnyja dziejačy, pieradavaŭ Dlf 24.
«Kryž — heta simvał jadnańnia, prymireńnia i zhody», — skazaŭ arcybiskup katalickaj carkvy horada Bambierh Ludvih Šyk.
U toj ža čas rašeńnie bavarskich palitykaŭ raskrytykavali libierały sa Svabodnaj demakratyčnaj partyi Hiermanii. Ich lidar Kryścijan Lindnier napisaŭ u svaim Twitter, što anałahičnym čynam relihiju da palityki partyi sprabuje pryviazać prezident Turcyi Redžep Taip Erdahan.
Bolš za pałovu nasielnictva Bavaryi — praktykujučyja kataliki.
Drukujecca ŭ miežach śpiecyjalnaj rubryki «Naviny Hiermanii»
{POLL#745}