Davydźku i Hajdukieviča ŭ efiry rasijskaha TB prymušali adkazać, čyj Krym
Biełaruskaja delehacyja ŭziała ŭdzieł u tok-šou «Prava hołasu» na telekanale TVCentr. U jaje skład uvajšli člen Savieta Respubliki, staršynia «Biełaj Rusi» Hienadź Davydźka, namieśnik staršyni ŁDPB Aleh Hajdukievič, a taksama palitołahi Juryj Šaŭcoŭ i Piatro Piatroŭski.
Rasijskija apanienty zadali biełarusam kankretnaje pytańnie: čyj Krym?
«Vy ličycie Rasiju suvierennaj dziaržavaj, jak i Biełaruś? Tak? Tady ŭ mianie nastupnaje pytańnie: ci vy ličycie Krym častkaj našaj Sajuznaj dziaržavy?» — prahučała pravakatyŭnaje pytańnie.
«Da taho času, pakul u Biełarusi znachodzicca placoŭka [pieramovaŭ] «Minsk-2» — i zaraz hetu pieradaču buduć hladzieć usie ŭkraincy, jakija šukajuć choć jakuju nahodu sarvać pieramovy ŭ Minsku; i jon [Davydźka] sienatar, a ja pradstaŭlaju parłamienckuju partyju, jakaja ŭvachodzić u mižnarodnuju kamisiju, što arhanizavała pieramovy — ja nie adkazvaju na hetaje pytańnie. Pavinna nie licca kroŭ va Ukrainie!» — zajaviŭ Hajdukievič.
«Dla mianie na pytańnie pra krymskuju prynaležnaść adkazała babula ŭ vosiemdziesiat niejkim hodzie. Ja adpačyvaŭ u Krymie, mnie nadakučyła sadavina i sadavina, ja vyrašyŭ kupić sała. Ja pryjšoŭ na rynak, siadzić babula, pradaje sała. Ja kažu: babula, heta miascovaje sała? I jana mnie adkazvaje voś što: nie, heta z Ukrainy!» — inšaskazalna adkazaŭ Davydźka.
Jaho vyrašyli dacisnuć: «Heta babula, a vy jak adkažacie?»
«Ja adkažu na heta pytańnie, jak Hajdukievič», — padsumavaŭ Davydźka.