Šukajuć biełarusa, jaki ni razu nie byŭ za miažoj, kab adpravić jaho ŭ Hruziju
Niadaŭna ŭ internecie źjaviŭsia servis višlist.bieł: na sajcie źbirajuć samyja papularnyja mary i šukajuć tych, chto ich moža vykanać. Prosta zaraz błohier i fatohraf Maksim Puškin, u jakoha ŭ tvitary 188 tysiač čytačoŭ, abiraje biełarusa, jaki ni razu nie byŭ za miažoj, kab razam z «Baržomi» ažyćciavić jaho maru i adpravicca ŭ Hruziju.
Kab upieršyniu vyjechać za miažu ŭ siaredzinie traŭnia, nieabchodna zapoŭnić ŭ internecie ankietu i napisać nievialiki list pra svaju maru. Błohier abiacaje pračytać usie mejły i vybrać samy ščyry i pierakanaŭčy.
Akramia taho, luby paŭnaletni biełarus moža na sajcie padzialicca ŭsim śpisam svaich žadańniaŭ — mienavita tak z anhlijskaj pierakładajecca wishlist. Servis užo znajšoŭ tych, chto ŭvasobić niekatoryja ź ich. Tak, spartsmienka Alina Tałaj paabiacała paznajomić niekalki minčan sa svaim «Charlejem» i dapamahčy im patrapić u kałonu, jakaja adkryje motasiezon u hetyja vychodnyja. Niechta zrabiŭ svaju pieršuju tatuiroŭku, dziakujučy sajtu, kamuści pašancavała zrabić na samalocie piatlu, niechta pieratvaryŭsia ŭ jarkuju błandzinku paśla naviedvańnia sałona Top Colors, u jakim «mianiajuć koler» usie minskija znakamitaści.
Stvaralniki niezvyčajnaj internet-płatformy kažuć, što ŭ asnovie ich servisu — idei papularnych mižnarodnych prajektaŭ. Ludzi pa ŭsim śviecie składajuć śpisy vialikich i maleńkich spraŭ, jakija jany abaviazkova chacieli b paśpieć za žyćcio. Jak praviła, bolšaść zapisanych abo ahučanych žadańniaŭ akazvajecca całkam ździajśnialnaj. U centry Minska na ścianie doma źjaviłasia vielizarnaja hryfielnaja doška, na jakoj kožny moža pakinuć zapis, a taksama zapracavaŭ servis u internecie.
«Naša płatforma zadumana tak, kab matyvavać i natchniać biełarusaŭ vykonvać svaje daŭnija mary. My chacieli pakazać, jak prosta sprabavać novaje kožny dzień — dastatkova skazać sabie «Ruš!», — kaža Kaciaryna Kiłbas, pradstaŭnik «Baržomi» i arhanizatar prajekta. — Užo jość tyja, chto hatovy realizavać piać pieršych papularnych žadańniaŭ, jašče stolki ž my płanujem znajści na praciahu najbližejšych tydniaŭ. U stvareńni ahulnaha «Višlista «Baržomi» moža paŭdzielničać kožny, prapanavaŭšy svoj śpis spraŭ, jakija treba paśpieć zrabić u žyćci».
Dla taho, kab patrapić u lik udzielnikaŭ prajekta, treba pierajści na sajt višlist.bieł i zapoŭnić svoj piersanalny «višlist». Na sajcie jość navat takaja funkcyja, jak «napamin»: možna vybrać pramiežak času, kali na poštu pryjdzie piśmo i nahadaje pra samaje važnaje, — ad 1 hoda da 10 hadoŭ.