«Svajoj upartaściu jana dasiahnuła ŭsiaho»: rasijskaja snoŭbardystka pamierła ŭ 15 hadoŭ
25 krasavika Darja Humien vyrašyła naviedać svaju siabroŭku ŭ Lubiercach. Pryjšoŭšy da jaje, adčuła siabie drenna i straciła prytomnaść, chutkaja dapamoha kanstatavała śmierć 15-hadovaha padletka.
Michaił Humien, baćka pamierłaj, adznačyŭ, što dakładnych źviestak, što mienavita stała pryčynaj śmierci dački, pakul niama.
«Z samaha naradžeńnia my ŭstavali z samaj ranicy, hadzinie a siomaj, śniedali, rychtavalisia, a potym jana išła vučycca, — pryvodzić 360tv.ru słovy Humiena. — Potym treniroŭka, potym dadomu — uroki. I ŭ 21.00 adboj. I tak ciaham praktyčna 15 hadoŭ. Duša ŭ dušu: ni razu praktyčna nie svarylisia, a takoje atrymałasia … Svajoj upartaściu jana dasiahnuła ŭsiaho. Za vosiem hadoŭ vučoby ŭ škole ja nie bačyŭ u jaje nivodnaj čaćviorki, tolki na «piać» vučyłasia.
Ja tak za jaje chvalavaŭsia i pieražyvaŭ, što na jaje vystupach praktyčna nie byvaŭ. Abo hladzieŭ pa telebačańni, abo pa sacsietkach, ci prosta čakaŭ vynikaŭ — vielmi prasiŭ, kab mnie dasyłali pratakoły, pa jakich jana vystupała. Ja navučyŭsia ich čytać i bačyŭ, dzie jana ŭdała vystupała, a dzie niaŭdała, jaki sudździa jakuju joj acenku pastaviŭ i za što. Jana taksama nie chacieła, kab ja prysutničaŭ. Vielmi bajałasia pry mnie zrabić-niejkuju pamyłku, prajhrać. A ja vielmi bajaŭsia zaŭvažyć hetuju pamyłku. Apošni kubak … jana ŭziała ŭsie pieršyja pryzy. Kubak Rasii. Heta było ŭ Miasie 16 krasavika».