U Rasii zvolnili ściuardesu, jakaja nazvała Kalininhrad Kionihśbierham
Kampanija «Aerafłot» zvolniła bortpravadnicu, jakaja nazvała Kalininhrad Kionihśbierham. Pra heta kampanija zajaviła ŭ Twitter.
Heta zdaryłasia paśla taho, jak žurnalist Vital Traćciakoŭ napisaŭ u Twitter, što ŭ samalot «Maskva-Kalininhrad» ściuardesa na anhlijskaj movie abviaściła rejs: Maskva-Kionihśbierh. Pry hetym pa-rusku było abvieščana, što samalot vykonvaje rejs Maskva-Kalininhrad. «Čuŭ heta na ŭłasnyja vušy ŭ palocie 25 krasavika. Chiba «Aerafłot» moža nazyvać harady Rasii tak, jak choča?» — napisaŭ Traćciakoŭ.
Nieŭzabavie ŭ «Aerafłocie» adkazali Traćciakovu ŭ Twitter: «Praviali pravierku, infarmacyja paćvierdziłasia. Bortpravadnica budzie zvolnienaja. Dziakujem Vam za sihnał».