U Rasii dziasiatki tysiač vyjšli na antypucinskija akcyi «Jon nam nie car». Na pratestoŭcaŭ nackavali kazakaŭ
dapoŭniena
Pratesty adbylisia na zaklik antykarupcyjnaha błohiera Alaksieja Navalnaha. U Maskvie ludzi pierakryli Strasny bulvar, a ŭ Pieciarburhu — Nieŭski praśpiekt. Sotni zatrymanych u Maskvie, Jakucku, Čelabinsku, Krasnajarsku.
Akcyi prymierkavanyja da inaŭhuracyi Uładzimira Pucina na novy prezidencki termin, pryznačanaj na 7 maja.
Akcyi pačalisia na Dalokim Uschodzie i ŭ Sibiry — va Uładzivastoku, Chabaraŭsku, prajšli ŭ Omsku, Navasibirsku, Jekacierynburhu, inšych haradach.
U Maskvie ludzi źbirajucca na Puškinskaj płoščy, u Sankt-Pieciarburhu — na Dvarcovaj.
Pavodle acenak ŚMI, zatrymana kala tysiačy čałaviek: u Krasnajarsku — jak minimum, 45 čałaviek, u Jakucku — 74 čałavieki, jość zatrymanyja ŭ Tomsku, Čalabinsku — 97 čałaviek, Pienzie, Barnaule, Novakuźniecku, Maskvie, Pieciarburhu.
Navalny načavaŭ na kanśpiratyŭnaj kvatery, kab nie aryštavali da pačatku akcyi. Jaho schapili na płoščy, ale jon paśpieŭ vystupić.
U Maskvie na demanstrantaŭ nackavali kazakaŭ z nahajkami, ale pratestoŭcy ŭsio adno pierakryli Strasny bulvar, adbylisia sutyčki z AMAPam, častka manifiestantaŭ była nastrojenaja rašuča.