Biaspraŭnik u Pinsku źbiŭ dvuchhadovuju dziaŭčynku na piešachodnym pierachodzie
U Pinsku biaspraŭnik źbiŭ na nierehulavanym piešachodnym pierachodzie dvuchhadovuju dziaŭčynku, paviedamlaje BiełTA sa spasyłkaj na sajt DAI Bresckaj vobłaści.
Incydent adbyŭsia 4 maja kala 17.00. Pavodle papiaredniaj infarmacyi, 31-hadovy žychar Ivacevičaŭ, nie majučy prava kiravańnia transpartnym srodkam, jechaŭ za rulom aŭtamabila «Miersedes».
Jon najechaŭ na piešachoda, jaki pierachodziŭ prajeznuju častku pa nierehulavanym pierachodzie. U vyniku zdareńnia dvuchhadovaja miascovaja žycharka dastaŭlena ŭ balnicu. Pa fakcie DTZ pravodzicca pravierka. Ustanoŭlena, što raniej kiroŭca vosiem razoŭ pryciahvaŭsia da administracyjnaj adkaznaści za parušeńni PDR.