Pucin vyznačyŭsia z kandydaturaj premjera
TASS
Praź niekalki hadzin paśla inaŭhuracyi Uładzimir Pucin ŭnios u Dziarždumu kandydaturu Dźmitryja Miadźviedzieva dla atrymańnia zhody deputataŭ pryznačyć jaho staršynioj urada, paviedamiŭ sajt Kramla.
Pytańnie ab zaćviardžeńni Miadźviedzieva kiraŭnikom kabinieta ministraŭ nižniaja pałata razhledzić 8 maja. Adpaviednaje paviedamleńnie apublikavana na sajcie Kramla.
Krynicy RBK ŭ Kramli i ŭradzie raniej nazyvali «vielmi vysokimi» šancy Miadźviedzieva zastacca na pasadzie premjer-ministra. «Miadźviedzieŭ, napeŭna, adziny čałaviek, jakomu daviaraje Pucin, bo jon nie padvioŭ jaho ŭ 2011 hodzie (zajaviŭšy, što nie stanie bałatavacca na druhi termin), — kazaŭ RBK vysokapastaŭleny fiederalny čynoŭnik. — Miadźviedzieŭ całkam zadavalniaje prezidenta ŭ jakaści premjera. Ale ŭ realnaści zastaniecca jon premjeram ci nie, viedajuć tolki sami Pucin i Miadźviedzieŭ».