U Dzień Pieramohi Šunievič nadzieŭ miedal za dałučeńnie Kryma da Rasii? Nie, heta inšy, suvienirny
abnoŭlena
Jeŭraradyjo apublikavała artykuł, u jakim vykazała mierkavańnie, što 9 maja ministr unutranych spraŭ Biełarusi Ihar Šunievič načapiŭ na siabie rasijski miedal «Za ŭźjadnańnie Kryma i Sievastopala z Rasijaj». U jakaści dokazu Jeŭraradyjo pryviało skrynšot efiru kanała STV, na jakim byli bačnyja 2 miedali, jakija načapiŭ ministr. Adzin ź ich (levy), sapraŭdy, na pieršy pohlad vizualna padobny na miedal za dałučeńnie Kryma da Rasii.
Na adnym baku hetaha miedala raźmieščana skulpturnaja vyjava pomnika impieratrycy Kaciaryny II i malunak «Pomnika zatoplenym karablam».
Piacikutnaja płanka abciahnutaja tkaninnaj stužkaj sa spałučeńniem koleraŭ ściaha «respubliki Krym», hieorhijeŭskaj stužki i rasijskaha ściaha.
Miedal «Za ŭźjadnańnie Kryma i Sievastopala z Rasijaj».
Adnak pry značnym nabližeńni vyjavy ź miedalami Šunieviča bačna, što na jaho miedali płanka abciahnutaja tkaninaj ź inšym spałučeńniem pałos — tam adsutničaje siniaja pałasa, jakaja jość u rasijskim miedali «Za ŭźjadnańnie Kryma i Sievastopala z Rasijaj».
Bolš za toje, sam malunak na miedali havoryć ab tym, što miedal Šunieviča adroźnivajecca. Miarkujučy pa ŭsim, heta zvyčajny suvienirny miedal ź minskaha muzieja Vialikaj Ajčynnaj vajny.