U Tbilisi zaviaršylisia akcyi pratestu. Kiraŭnik MUS Hruzii vybačyŭsia pierad prysutnymi
Udzielniki mitynhaŭ pratestu ŭ centry Tbilisi pryniali rašeńnie prypynić akcyi na tydzień paśla pieramovaŭ z uładami Hruzii, paviedamlaje TASS.
Viečaram 13 maja da pratestoŭcaŭ na praśpiekcie Rustavieli źviarnuŭsia ministr unutranych spraŭ Hruzii Hieorhij Hacharyja. Čynoŭnik asabista vybačyŭsia za paciarpiełych ad dziejańniaŭ palicyi padčas subotniaha antynarkatyčnaha rejdu ŭ Tbilisi, jaki staŭ padstavaj da akcyi pratestu. Ministr paabiacaŭ, što ŭsie skarhi na palicejskich buduć staranna razhledžany.
Paśla razmovy ź ministram lidar ruchu «Bieły šum» Bieka Cykaryšvili zajaviŭ, što ŭsie mitynhi admianiajucca da nastupnaj suboty. Stolki času pratestoŭcy dali MUS Hruzii na vykanańnie ich patrabavańniaŭ.
U noč na 14 maja pratestoŭcy pakinuli centr Tbilisi.