«J:mors» syhrali kancert-siurpryz na Zybickaj VIDEA
Hurt «J:mors» syhraŭ spantanny akustyčny mini-kancert u rajonie vulicy Zybickaj u Minsku. Heta była adkrytaja repietycyja akustyčnaj prahramy najlepšych piesień, jakaja budzie pradstaŭlena 25 maja ŭ stałičnym Pałacy prafsajuzaŭ.
Pra praviadzieńnie mierapryjemstva «J:mors» paviedamili prychilnikam usiaho za hadzinu ź liškam da pačatku pry dapamozie videa na svaich sacsietkach, dzie navat nie byŭ nazvany adras placoŭki. Tym nie mienš, da pačatku vystupa na skryžavańni vulicy Hiercena i Muzyčnaha zavułka na ich užo čakali hledačy.
— 25 maja my hrajem u Minsku vialiki akustyčny kancert i vyrašyli rabić časam raptoŭnyja repietycyi pa horadzie, pakul vam i nam nie nadakučyć. Jana karacieńkaja, ale my chacieli pieravieryć, jak jano pracuje, — skazaŭ publicy Uładzimir Puhač.
U miežach paŭhadzinnaha vystupu prahučali pieśni: «Majo sonca», «Vozduch» «Biełaruskaje zołata», «Šmieli», «Ledokoły», «Električiestvo». Poŭnaje videa repietycyi možna pahladzieć na staroncy «J:mors» u VK.
«J:mors» z prahramaj «Akustyka»
25 maja — Minsk, Pałac prafsajuzaŭ — 19:00
Kvitki: ad 40 da 60 rubloŭ
Prodaž: Kvitki.by, Ticketpro.by, u kasach horadu, sałonach «Jevrosieť», «Śviaznoj», «Na śviazi».
Infalinija: (44) 551 77 06, (29) 851 77 06