Supracoŭnik BDUKM Kryštapovič: Usie siły impieryjalizmu apałčylisia suprać marksizmu i ruskaha śvietu
11 maja na mižnarodnaj kanfierencyi ŭ Maskvie, pryśviečanaj 200-hadovamu jubileju Karła Marksa, vystupiŭ pradstaŭnik Kamunistyčnaj partyi Biełarusi Leŭ Kryštapovič. Nahadajem, što hety zachodnierusist zaraz źjaŭlajecca načalnikam navukova-daśledčaha adździeła Biełaruskaha dziaržaŭnaha univiersiteta kultury i mastactvaŭ, a raniej pracavaŭ u Infarmacyjna-analityčnym centry pry Administracyi prezidenta.
«Braterskaje pryvitańnie ad kamunistaŭ Biełarusi! Usie siły impieryjalizmu apałčylisia suprać marksizmu i ruskaha śvietu. Siońnia być marksistam — heta być prychilnikam ruskaha śvietu. Praciahvajecca baraćba staroha śvietu i novaha śvietu. Ruskija revalucyjaniery stali pradaŭžalnikami marksizmu. Mała cytavać Marksa, nieabchodna ŭłavić sutnaść marksizmu, jaki składajecca ŭ jaho revalucyjnaj dyjalektycy. Sutnaść marksizmu zrazumieŭ U.I. Lenin»,
— zajaviŭ Kryštapovič.