Kitaj i ZŠA vyrašyli admovicca ad handlovaj vajny
Kitaj pahadziŭsia pryniać miery pa naroščvańni impartu amierykanskich tavaraŭ dla skaračeńnia handlovaha deficytu pamiž krainami. Pra heta havorycca ŭ zajavie abiedźviuch krain, raspaŭsiudžanaj Biełym domam.
«Dasiahnuty kansiensus pa pryniaćci efiektyŭnych mier dla istotnaha skaračeńnia handlovaha deficytu pamiž ZŠA i Kitajem», — havorycca ŭ zajavie. U suviazi z patrebami nasielnictva, jakija rastuć, i nieabchodnaści ŭ «vysakajakasnym ekanamičnym raźvićci» Kitaj značna pavialičyć zakupki amierykanskich tavaraŭ, što dapamoža ekanamičnamu rostu i zaniataści ŭ ZŠA.
Abiedźvie krainy damovilisia ab «istotnym pavieličeńni» ekspartu amierykanskaj sielskahaspadarčaj pradukcyi i enierhanośbitaŭ. ZŠA nakirujuć u Kitaj kamandu dla prapracoŭki detalaŭ. Krainy taksama pryjšli da vysnovy, što varta stvaryć spryjalnyja ŭmovy dla pašyreńnia handlu pramysłovymi tavarami i pasłuhami i ŭmacavać supracoŭnictva ŭ pytańni abarony intelektualnaj ułasnaści. Kitaj pry hetym hatovy ŭnieści papraŭki ŭ zakony ŭ hetaj halinie, u tym liku zakon ab patentach.