Stadyjon bresckaha «Dynama» płanujuć nazvać u honar arabskaha šejcha
Stadyjon bresckaha «Dynama» atrymaje imia «Zajd». Pra heta na pres-kanfierencyi ŭ honar pryznačeńnia Dyjeha Maradony staršynioj praŭleńnia biełaruskaha kłuba, jakaja prachodziła ŭ Abu-Dabi, abviaściŭ pradstaŭnik Biełaruska-emirackaha dziełavoha sajuza Siejf Tadžedzin.
Łahatyp bresckaha «Dynama» byŭ raźmieščany na mierapryjemstvie na fonie partreta šejcha Zajda ibn Sułtan Al Nachajana — prezidenta AAE z 1971 pa 2014. U hetym hodzie jamu spoŭniłasia b roŭna 100 hadoŭ.
U toj ža čas vydańnie Al-Ain, pradstaŭniki jakoha naviedali pres-kanfierencyju, udakładniaje, što stadyjon budzie nie tolki pierajmienavany ŭ honar šejcha, ale i madernizavany. U natatcy nie ŭdakładniajecca, ci idzie havorka pra ASK «Brescki», ale paviedamlajecca mienavita ab pierajmienavańni.
Padčas pres-kanfierencyi ŭ Abu-Dabi Dyjeha Maradona byŭ pradstaŭleny ŭ jakaści staršyni praŭleńnia bresckaha «Dynama».