CNBC paviedamiŭ pra paražeńnie celi rasijskim S-500 na rekordnaj adlehłaści
TASS
Rasija «biez šumu» praviała vyprabavańnie rakiety ziamla — pavietra na rekordnaj adlehłaści, paviedamlaje amierykanski telekanał CNBC sa spasyłkaj na krynicy, naŭprost znajomyja z dadzienymi raźviedki ZŠA.
Pa ich dadzienych, rasijski zienitny rakietny kompleks (ZRK) S-500 źbiŭ cel na adlehłaści 480 km, što, jak ličać u ZŠA, na 80 km pieraŭzychodzić rekord pa dalokaści dla ZRK.
Heta nie pieršaja publikacyja CNBC, pryśviečanaja vyprabavańniam rasijskich rakiet. Na hetym tydni telekanał paviedamiŭ, što Rasija ź listapada 2017 pa luty 2018 hoda praviała čatyry vyprabavańni kryłataj rakiety ź jadziernaj siłavoj ustanoŭkaj i ŭsie jany zaviaršylisia niaŭdačaj. Samy doŭhi vyprabavalny palot doŭžyŭsia kala dźviuch chvilin, za hety čas rakieta pralacieła 35 km, paśla čaho suviaź ź joj była stračana.
Pavodle infarmacyi CNBC, Rasija taksama trojčy pravodziła vyprabavańni hipierhukavoj rakiety ź jadziernaj siłavoj ustanoŭkaj «Avanhard» (adno ź ich skončyłasia niaŭdačaj).