«Astraviecki šlach» u Zasłaŭi sabraŭ 15 čałaviek FOTAFAKT
26 maja ŭ Zasłaŭi prajšła akcyja «Astraviecki šlach» suprać budaŭnictva Biełaruskaj AES. Arhanizatarami akcyi vystupli Biełaruskaja partyja «Zialonyja», BCHD, ruch salidarnaści «Razam», paviedamlaje Radyjo Svaboda.
Jak paviedamiŭ Radyjo Svaboda namieśnik staršyni partyi «Zialonyja» Dźmitry Kučuk, na akcyju sabrałasia 15 čałaviek. Siarod ich palityki i aktyvisty demakratyčnych arhanizacyj ź Mienska, žychary Radaškovičaŭ i Maładziečna.
Pramocyi «Astravieckaha šlachu» u Zasłaŭi siarod miascovych žycharoŭ nie było, skazaŭ Kučuk. Arhanizatary nie viedali ci budzie dazvoł na akcyju i vyrašyli nie zaklikać ludziej na niesankcyjavanaje mierapryjemstva, udzieł u jakim — administracyjnaje pravaparušeńnie. Na nastupnych akcyjach «Astravieckaha šlachu» arhanizatary čakajuć ubačyć bolš miascovych žycharoŭ.
Raniej paviedamlałasia, što padobnyja akcyi buduć 26-ha kožnaha miesiaca. 26 červienia akcyja pavinna prajści ŭ Radaškovičach, 26 lipienia ŭ Maładziečnie, zatym u Vilejcy, Smarhoni, Ašmianach, a 26 listapada ŭ Astraŭcy, dzie budujecca AES